Kolumnista nilikida

MANILA, Philippines - Sa kabila ng pinaiiral na gun ban, isang ko­lumnista ang pinagbabaril hanggang sa mapatay ng hindi pa nakikilalang suspect habang nakaupo sa harapan ng kanyang bahay sa Port, Area, Maynila kama­kalawa ng gabi.

Dead-on-the-spot si Danilo Onanad, ng Pa­ha­yagang Pinoy at da­ting manager ng isang comedy­ bar ng Block 5 Extension, Baseco compound, Port Area, Manila sanhi ng dalawang tama ng bala sa katawan.

Inaalam naman ng pulisya ang pagkakakilanlan sa suspect na tumakas dala ang baril na ginamit sa pagpatay.

Sa report ng pulisya, dakong alas-9:00 ng gabi nang maganap ang insi­dente sa harapan ng bahay­ ng biktima nang lapitan ito ng suspect at dalawang ulit na pina­putukan na nagresulta sa kanyang agarang kamatayan.

Inaalam ng pulisya kung may kaugnayan sa kanyang trabaho ang mo­tibo sa pagpatay sa biktima.