Market administrator, itinumba

MANILA, Philippines - Patay ang isang babaeng market admi­nistrator matapos barilin ng hindi pa kilalang suspek habang ang una ay nani­­ningil ng mga renta sa loob ng palengke sa Valenzuela City, kama­kalawa ng hapon.

Dead-on-the-spot sanhi ng tama ng bala sa ulo ang biktimang si Juliana Lopez, 42,  ng Cristobal St., Brgy. Karuhatan ng naturang  lungsod at administrator ng Karuhatan Public Market.

Sa inisyal na report na nakarating sa tanggapan ni Senior Supt. Rhode­rick Armamento, hepe ng Valenzuela City Police, naganap ang insidente alas-4:00 ng hapon sa Karuhatan Public Market habang naniningil ang biktima sa mga tindera ng renta para sa kanilang pwesto nang biglang sumulpot sa likuran  nito  ang suspek na armado ng baril at saka mala­pitan itong binaril sa ulo dahilan ng agaran nitong kamatayan.

Matapos ang in­sidente ay mabilis na tumakas ang suspek.

Blangko pa ang pu­lisya sa motibo sa naganap na krimen habang masusi namang sini­siyasat ang insidente.