MANILA, Philippines - Nanawagan ang publiko partikular ang mga commuÂters ng Light Rail Transit (LRT) kay Manila Mayor Joseph Estrada na aksiyunan ang talamak na insidente ng pandurukot, snatching at holdapan sa Plaza Lacson sa Maynila.
Isa sa mga nabiktiÂma ng mga mandurukot ng kababaihang menor de edad sa nasabing lugar ay ang reporter na si Shiela Crisostomo ng Philippine Star.
Ang Plaza Lacson ay nasasakupan ni Manila Police District-Station 11 chief, Supt. Wilson Doromal.
Ayon kay Crisostomo, nagtataka siya kung bakit walang police na umiikot sa nasabing lugar upang mabigyan ng seguridad ang mga publiko.
Kuwento ni Crisostomo, naglalakad siya sa Plaza Lacson patungong LRT nang maramdaman niya na may nagbubukas ng kanyang bag. Sinita niya ang babaeng mandurukot subalit agad itong tumakbo.
Nasa itaas na siya ng LRT nang makita na naman niya ang babaeng nandudukot sa kanya na may bagong binibiktima. Sumigaw siya ng “mandurukot ‘yanâ€.
Naniniwala si Crisostomo na alam ni Doromal na tambayan ng solvent boys at mga pandurukot ang Plaza Lacson.
Matatandaan na sinabi ni Estrada na nais niyang ibalik ang lugar ng Sta. Cruz bilang isa sa mga tourist destination sa lungsod at maibalik ang mga namumuhunang negosyante.