MANILA, Philippines - Lima katao ang aresÂtado matapos makuhanan ng shabu sa isinagawang buy-bust operation ng mga taÂuhan ng Philippine Drug Enforcement Agency sa parking lot ng ospital sa Caloocan City kamaÂkalawa ng hapon.
Base sa coordination sa Caloocan City Police, kinilala ni PDEA Director General Undersecretary Arturo G. Cacdac, Jr. ang mga suspect na sina Rohanie Magdara, 25; pinsan na si Muhaimen Magdara kapwa ng Almoro St., Biñan, Laguna; Abu Mangundaya, 23, Ansari Tomandung, 47; at Basit Madayan pawang ng Phase 12, Tala, Caloocan City.
Nabatid na nakatanggap ng impormasyon ang PDEA na nagbebenta ng shabu ang mga suspect na naging dahilan upang magsagawa ng buy-bust operation dakong alas-4:00 ng hapon sa parking lot ng Tala Memorial Hospital ng lungsod.
Nang iabot ng mga suspect ang 20 piraso ng sachet ng shabu na aabot sa 100 gramo at may halagang P400,000 ay agad na pinaligiran ang mga suspect at hindi na nanlaban nang arestuhin ang mga ito.
Nakuha rin sa mga suspect ang gamit na Toyota Tamaraw FX at mga cellphone.