Bumbero iniwan ng misis, nagbigti

MANILA, Philippines - Patay ang isang fire volunteer nang magbigti ito ma­tapos  iwanan ng kanyang misis sa Navotas City kahapon ng umaga.

Dead-on-arrival sa Paga­mutang Lungsod ng Malabon si Russel Llobrera, 43, ng Merville Subdivision, Brgy. Tanza ng naturang  lungsod.

Ayon sa report ng Navotas City Police, kamakalawa ng gabi ay naglasing ang biktima sa birthday party ng kaanak at naglabas ng sama nang loob dahil sa ginawang pag-iwan sa kanya ng misis.

Dakong alas-7:00 ng umaga­, bumulaga sa mga kapitbahay ang nakabigting si Llobrera, na nakatali ng nylon cord sa puno sa labas ng bahay nito.

Inaalam na ng mga pulis kung may naganap na foul play sa pagkamatay ng biktima.