MANILA, Philippines - Nasa 11 katao ang nasuÂgatan, pito rito ang nasa malubhang kalagayan sa Philippine General Hospital (PGH) matapos na sumabog ang sirang tangke ng liquefied petroleum gas (LPG) sa Paco, Maynila.
Kinukuwestiyon ng Manila Police District-Explosive and Ordnance Division (MPD-EOD) kung bakit hindi man lamang inireport ng barangay sa Manila Fire o MPD ang inÂsidente na naganap dakong alas-11 ng umaga noong Hulyo 7, na nakunan pa ng closed circuit television ng Brgy. 662 Zone 71.
Sinabi ng EOD na dapat iniÂreport ang nasabing insiÂdente lalo’t tatlong bahay ang nawasak at marami ang nasugatan.
Pinaka-kritikal umano ang mismong may-ari ng bahay at siyang nagkukumpuni ng sirang tangke ng LPG na si Rey Garcia, habang ang anak na 5-taong gulang naman ay nabagsakan ng gumuhong pader habang naglalaro.
Kabilang din sa nasugatan si Clarinda Garcia, Antonio Labung, Jayson, Lani at GeÂrald Labung, pawang mga kapitbahay.
Dahil sa lakas ng pagÂsabog, nawasak ang bubong ng bahay ng mga Garcia habang nabasag pa ang salamin sa bintana at nadamay din sa nasira ang kisame at pinto ng ilang kapitbahay.