MANILA, Philippines - Nasa 30 mga babaeng pulis ang sinanay ngayon ng National Capital ReÂgional Police Office (NCRPO) sa imbestigasyon sa pagÂhaÂwak ng mga sensitibong kaso sa mga kabataan at kababaihan.
Sa datos ng NCRPO, nasa 206 na ang policewomen na naisasailalim sa pagsasanay at ikinalat sa iba’t ibang Women and Children Police Desks ng mga police districts sa Kamaynilaan.
Isinagawa ang 10-araw na Specialized Traning Program (STP) sa Regional Special Training Unit sa Camp Bagong Diwa, Bicutan, Taguig City na nag-umpisa nitong Hunyo 17. Sakop ng pag-aaral ang 10 modules ukol sa “TrafÂicking, Crime Scene Investigation, Rules on Evidence at Testifying in Courtâ€.
Ang naturang pagsasanay ay upang iangat ang kaÂalaman at kapabilidad ng mga babaeng imbestigador sa implementasyon ng espesyal na mga batas para sa mga babae at bata.
Sa tala ng NCRPO-WCPD, nasa 4,215 kaso ng paglabag sa Republic Act 9262 (Violence against Women and Their Children) at Republic Act 7610 (Child Abuse) nitong Mayo 2013.
Inatasan naman ni NCRPO Director Leonardo Espina ang mga tauhan ng WCPDs na proteksyunan ang kapakanan ng mga bata at ng kababaihan habang nanawagan sa mga abusadong biktima na lumantad at huwag matakot upang makamit nila ang kataru ngan.