MANILA, Philippines - Patay ang isang babaeng receptionist habang kapwa malubhang naÂsugatan ang ina at kapatid nito makaraang mabundol ng isang rumaragasang kotse na minamaneho ng nagpakilalang apo ni daÂting Senador Arturo Tolentino, sa Mandaluyong City.
Nakilala ang nasawi na si Nikki Joy Jayona, 23, receptionist ng kompanyang Office Lux na nasa Boni Avenue, ng naturang lungsod at naninirahan sa Anakpawis 2 West Bank Road, Brgy. San Andres, Cainta, Rizal.
Isinugod naman sa VictoÂr R. Pontenciano MeÂdical Center at nasa kritikal na kalagayan ang 17-anyos nitong kapatid na si Nicole habang malubhang naÂsugatan ang kanilang ina na si Ma. Teresa Jayona.
Arestado naman ang driver ng Honda City (NTO-231Â) na si Joseph Tolentino, 21, ng Unit 5 Spring Green Townhouse, XavierÂville 1, Quezon City at nagpakilalang apo ni dating Senador Tolentino.
Sa ulat ng Mandaluyong Police, papatawid sa Westbound lane ng Shaw BouÂlevard sa Brgy. Highway Hills ang mag-iina upang magsimba dakong alas-6:30 ng umaga nang mabundol ng rumaragasang kotse na minamaneho ni Tolentino.
Tinangka pa umanong takasan ng driver ang mag-iinang biktima ngunit nahabol ng isang concerned citizen na nakamotor at naharang ito hanggang sa makahingi ng saklolo sa mga awtoridad.
Iniimbestigahan naman ng mga pulis ang posibilidad na nasa impluwensya ng alak ang suspek nang maganap ang aksidente.
Nahaharap ito ngayon sa kasong homicide at double frustrated homicide thru reckless imprudence sa korte.