MANILA, Philippines - Nagkarambola ang pitong sasakyan makaraang mawalan ng kontrol ang isang trailer truck na may kargang buhangin sa Sta. Mesa, Maynila, kahapon ng tanghali.
Ayon kay P/Supt. Reynaldo Nava, hepe ng Manila Traffic Bureau, dakong alas- 12:30 nang araruhin ang may 6 na sasakyan dahil sa pag-atras ng 10-wheeler truck na may plakang PYK 654 na minamaneho ng isang Leonil T. Tabornal.
Nagmula umano sa Plaza Avelino at patungo ng Quirino Avenue ang truck ng buhangin.
Kabilang sa napinsala ang isang Toyota Vios (PUO-835), minamaneho ng isang Jean Carlo Ferrer; VolksÂwagen (AAK-785); Toyota Corolla (TPZ-451); Mita Montero (PAT-55), isang taxi (TYV-612) at isa pang taxi (UVZ-423).
Naging dahilan ito upang pansamantalang isara ang southbound lane na nagsanhi sa matinding trapik.
Iniimbestigahan na ang mga driver ng mga saÂsakyan kabilang ang mismong driver ng ten-wheeler truck na poÂsibleng masampahan ng patungÂ-patong na kaso.