MANILA, Philippines - Agaw-buhay ang isang mister nang saksakin ito ng isang hindi kilalang lalaki na nakasakay nito sa jeep makaraang mainis ang huli sa malakas na pagtawa ng una sa Navotas City, kamaÂkalawa ng gabi.
Ginagamot sa Tondo MeÂdical Center sanhi ng saksak ng icepick sa likod ang biktimang si Dennis Santos, company agent, ng TeaÂcher’s Village ng naturang lungsod.
Base sa ulat ng Navotas City Police, dakong alas-8:50 ng gabi, kasama ng biktima ang misis niya sa jeep at masayang nagkukuwentuhan nang biglang mapatawa ng malakas si Santos.
Nabuwisit ang kasakay na lalaki at pumara sa M. Naval St., Brgy. North Bay BouÂlevard North para bumaba.
Bago muling tumakbo ang jeep ay bumunot ng icepick ang suspek at walang sabi-sabing sinaksak ang nakataÂlikod na biktima. Matapos ang insidente ay tumakas ang suspek haÂbang dinala naman ang biktima sa nabanggit na ospital, kung saan iniimbestiÂgahan na ng mga pulis ang insiÂdente.