MANILA, Philippines - Nakatanggap ng pagbabanta ang pamilya ng 7-taon na batang nasawi noong Bagong Taon na tinamaan ng ligaw na bala mula sa baril na kalibre .45 sa Barangay 185, Malaria, Caloocan City.
Nabatid sa tiyuhin ni Stephanie Nicole na si Marvin Ella, noong Linggo ng gabi, may dalawang hindi kilalang lalaki ang bumaba sa motorsiklo at dumiretso sa lamay ng kanyang pamangkin.
Bago umano umalis ay sinabihan sila ng isa sa mga lalaki na mag-ingat saka sumakay sa motorsiklo na walang plaka.
Dahil sa natanggap na pagbabanta ay umaÂpela sa pulisya ang pamilya Ella na bigyan sila ng proteksyon para sa kanilang seguridad.
Samantala, muling nanawagan ang ama ni Nicole na si Aquilino Jr. sa kanyang mga kapitbahay na tumulong at huwag matakot na tumestigo para malutas ang kaso ng kanyang anak.
“Sa mga kapitbahay namin, huwag silang matakot magbigay ng impormasyon, impormasyon lang ang kailangan namin at kailangan ng mga pulis para maresolba ang kaso ng aking anak, malaking tulong ’yan para kay Nicole,†ayon dito.