MANILA, Philippines - Isang ‘tulak’ ng droga ang inaresto ng mga tauhan ng Station Anti-Illegal Drug Special Operation Task Group (SAIDSOTG) ng Pasay City Police sa isang buy-bust operation kamakalawa.
Nakakulong ngayon ang suspek na si Ramon Reyes, alyas Nonoy, 44, residente ng Tramo St., Pasay City.
Base sa report, dakong alas-5:00 ng hapon nang magbenta ng droga ang suspek sa isang pulis na nagpanggap na poseur-buyer sa Tramo St., Brgy. 46 Zone 6 ng nasabing lungsod.
Nabatid na nang aktong kinukuha na ng suspek ang perang pinagbilan agad namang dinakma ito ng mga pulis.
Narekober ng pulisya ang tatlong plastic sachet na naglalaman ng hinihinalang shabu at limang pirasong marked money na P500 bills. Inihahanda na ang kaukulang kaso laban dito.