Holdaper sinalvage

MANILA, Philippines - Pinaniniwalaang unti-unti nang mababawasan ang mga  insidente ng panghoholdap sa Maynila matapos na ma­tagpuang patay ang isang kilabot na holdaper sa tulay ng  Quiapo kahapon ng umaga.

Kinilala sa alyas “Rolan Tisoy”, ang natagpuang  holdaper na  tinatayang 30-35 anyos, may taas 5’5’’, miyembro ng “Bahala na Gang”.

Dakong alas-5 ng umaga nang matagpuan ang bangkay  sa isang outpost sa ibabaw ng Quezon bridge sa Quiapo, Maynila.

Wala namang gustong tumestigo sa insidente, habang marami ang nagsabing kilalang notoryus na holdaper ang lalaki. Ang bangkay ng biktima ay kasalukuyang nakalagak sa Cruz Funeral Parlor para sa awtopsiya at safekeeping.