Nobyembre 16, 2017

Pagtitibay: Ang Maylalang ng mundo ang nag-iingat sa lahat ng kanyang nilikha. Sa kanyang mapagkalingang kamay, laging akong may seguridad.

SCORPIO (Oktubre 24- Nobyembre 22) – Maganda at kapangitan ang lilitaw tungkol sa pribadong relasyon, ngunit huwag mabahala at sa bandang huli ay magwawagi kung magpapaliwanag ng mahinahon. Iwasan ang magalit. Magandang pagkakataon na maipakita ang paninindigan at pagkatao. Lucky numbers at color for the day ang 15, 16, 36, 37 at light gray.

SAGITTARIUS (Nobyembre 23- Disyembre 21) – Maging mahinahon sa pagkilos, pananalita at sa paggagawa upang maiwasan na makasakit ng kapwa o magkamali. Dahil sa dalang kalituhan ng isip, nararapat na suriin at pag-aralang mabuti ang mga papeles na dapat lagdaan. May mangungutang na hindi dapat pagbigyan dahil matagal bago mabayaran. Lucky numbers at color for the day ang 11, 26, 28, 39 at cream white.

CAPRICORN (Disyembre 22- Enero 19) – Kung may kamag-anak na may sakit, huwag mag-atubiling isugod kaagad sa pagamutan upang mailigtas ang buhay. Kung walang nagkasakit sa pamilya, tiyak sagana at kaligayahan ang daranasin. May pagkakataon na makasalo sa hapag-kainan ang buong pamilya sa loob o labas ng tahanan. Lucky numbers at color for the day ang 5, 15, 25, 35 at aqua blue.

AQUARIUS (Enero 20- Pebrero 18) – Isang Taurus ang magbibigay ng suwerte o ligaya subalit isang Leo ang magdudulot ng problema o sakit ng damdamin. Iwasan pansamantala ang mga kilalang Gemini dahil kapag may gulo, hahantong ito sa hindi maganda. Lucky numbers at color for the day ang 2, 9, 13, 31 at red.

PISCES (Pebrero 19- Marso 20) –  Ang suwerte ay minsan lamang kakatok sa pintuan, huwag paalpasin. Maging handa kung anuman ang darating at kung ina­akalang ikakabuti o ikakaunlad, sunggaban at huwag bigyan ng pagkakataong makawala. Magiging maunlad ang negosyo o pangangalakal. Lucky numbers at color for the day ang 11, 12, 14, 41 at sky blue.

ARIES (Marso 21- Abril 19) – Hintayin ang tamang oras at pagkakataon sa ibig mangyari. Maraming gustong gawin na pagbabago ngunit mahirap maipaliwanag ang panig. Iwasan ang makipagsisihan dahil maaaring magbunga nang samaan ng loob. Ang kapareha ay walang maitutulong dahil hindi alam kung sino ang kanyang dapat panigan. Ang pagkukulang ay may solusyon sa mahinahon at magandang usapan. Lucky numbers at color for the day ang 10, 12, 14, 31 at red.

TAURUS (Abril 20- Mayo 20) – Dagdagan ang tiyaga at panalangin upang makaiwas sa bulilyaso. Mag-ingat sa pakikipag-ugnayan sa komunikasyon dahil ang kapareha ay magiging selosa at bibigyan ng ibang kahulugan. Hinahon sa anumang bagay ang kailangan. Lucky numbers at color for the day ang 6, 14, 19, 24 at green.

GEMINI  (Mayo 21- Hunyo 21) –  Maganda ang takbo ng pangangalakal. Magaan ang pasok ng pera. Ang daloy ng komunikasyon ay mabilis at may mga magandang balita na matatanggap. Kung binata o dalaga ang pagliliwaliw ay magi­ging masaya. Kung may nilalakad, magtatagumpay. Lucky numbers at color for the day ang 2, 14, 29, 35 at ocean blue.

CANCER (Hunyo 22- Hulyo 22) – Ang tahanan ay mapagtutuunan ng buong pansin ngayon. Magiging mainit ang ulo sa mga kaguluhang makikita. Linis dito, linis doon pero may kasamang mga maaanghang na mga salita. Hinahon ang dapat pairalin upang walang masaktan na damdamin. Lucky numbers at color for the day ang 5, 12, 25, 31 at empire gold.

LEO  (Hulyo 23- Agosto 22) –   Magiging makitid ang kapaligiran, gayundin ang pag-iisip. Magiging pikon at madaling magalit. Ang pagre-relax, pagpapahinga o pamamasyal ay makakatulong upang manumbalik ang enerhiya ng kasiglahan. I Lucky numbers at color for the day ang 8, 10, 13, 25 at orange.

VIRGO (Agosto 23- Setyembre 23) – Ang anumang uri ng paanyaya ay dapat tanggihan. Iwasan ang anumang sosyalan. Kung may balak na maglakbay, dapat ipagpaliban sa ibang araw. Bago lumagda sa anumang kasulatan o dokumento, pag-aralan muna at unawain ang mga nakasaad. Lucky numbers at color for the day ang 5, 15, 24, 40 at blue.

LIBRA (Setyembre 24- Oktubre 23) – Huwag pansinin ang tsismis at ano mang uri ng negatibong balita. Iwasan ang makasakit ng damdamin ng kapwa. Iwasan ang paanyaya ng mga barkada. Lucky numbers at color for the day ang 9, 15, 19, 22 at yellow.