Paano makakabawi?

Dear Dr. Love,

Tawagin na lamang ninyo akong Lester. Alam ko naman na mali ang nagawa namin, hindi alam ng parents ng gf ko na mag-o-overnight swimming kami. Ang akala nila simpleng date lang ang lakad namin. Eh, nag-post ang tropa at naka-tag pa kami, kaya ‘yun na! Pilit pinauwi ng mama niya ang gf ko.

Ok lang sa papa niya dahil may tiwala naman daw siya sa amin, kaso nahihiya ako sa mama niya.  Malapit pa naman sa’kin ang mama ng gf ko.

Ano dapat kong gawin para makabawi?

Lester

Dear Lester,

Kausapin mo sila at mangako na hindi na mauulit ang nangyari. Hindi makakabuti sa inyong mga kabataan ang basta na lang gawin kung ano ang maisipan ninyo. Lagi mong i-consider ang parents ng gf mo sa lahat ng magiging desisyon mo. Res-pect them and they will always be happy sa inyong dalawa. Huwag mo nang masyadong damadamin, dahil kailangan marunong kang harapin ang mga consequenses ng mga desisyon mo.

Hindi naman masama na suyuin mo rin ang ina ng gf at sikapin na mapatunayan na sincere ka na hindi na talaga mauulit ang hindi deklaradong lakad ninyo ng gf mo.

DR. LOVE