Hiwalay

Dear Dr. Love,

Mabiyayang pagbati sa iyo. Katulad ng ibang lumiham sa iyo ay nais ko ring humingi ng payo. Ako po si Mica, 28-anyos, hiwalay sa asawa.

May apat na taon na kaming hiwalay bagama’t walang pormalidad. Ibig kong sabihin, hindi kami dumulog sa korte para sa annulment.

Sa ngayon ay nagkaroon ako ng karelasyon na hindi naman tinututulan ng asawa ko na mayroon na ring iba.

Sabi niya sa akin, wala na raw kaming paki- alaman. Ang kaisa-isang anak namin ay nasa poder ko. Gusto ko lang itanong kung tama ba itong ganitong kasunduan na sa bibig lang?

Nangangamba kasi ako na baka kung ano ang pumasok sa ulo niya at dumating ang araw na idemanda ako ng adultery.

Pagpayuhan n’yo po ako.

Mica

Dear Mica, Physically, magkahiwalay kayo pero legally,

mag-asawa pa rin kayo. Dapat, ang lahat ay dumaan sa legal na proseso.

Kailangan ay marunong kang mag-antici- pate ng mga darating na problema kaya mag- usap kayo ng asawa mo tungkol sa annulment.

Kung mangyayari iyan, puwede na ninyong pakasalan ang mga bagong partners ninyo. Mahalaga ang kasal dahil magbibigay ito ng legal status sa inyong magiging supling.

DR. LOvE