Dear Dr. Love,
Malapit na namang matapos ang taon at nais kong ibahagi ang aking kasaysayan. Itago mo na lang ako sa pangalang Ferdie, isang amateur boxer.
Hindi pa ako nakakagawa ng pangalan pero nais kong maging magaling na boksingero tulad ng pambansang kamao na si Saranggani Rep. Manny Pacquiao. Tatlong taon na ang nakararaan, noong 15 anyos ako ay isa akong mayabang at basagulero. Laging ang hanap ko ay makipagsuntukan sa kanino mang aking makursunadahan.
Nakilala ko ang aking present sweetheart na si Necy. May munti siyang tindahan sa aming lugar at lagi ako dun kasama ang barkada. Nang ligawan ko siya ay tahasang sinabihan ako na ayaw niya sa basagulero at magpakatino muna raw ako.
Pero ewan ko ba, naging bisyo ko na yata ang bumasag ng mukha. Para akong lalagÂnatin kapag hindi ko ito nagawa sa loob ng isang linggo. Ipinakilala ako ni Necy sa tiyo niya na boxing promoter at nang dalhin ako sa gym ay sinabi niya na may future ako sa boxingÂ. Diyan ako nagsimula sa pagboboksing at naging insÂpirasyon ko si Necy.
Puwede palang magbagong buhay sa dating ugali. Ngayon ay mas maingat na ako dahil hindi puwede sa isang boksingero ang makiÂpagbasag-ulo sa daan.
Sana maging inspirasyon ako ng ibang kagaya ko na mahilig sa away.
Ferdie
Dear Ferdie,
Oo nga ano. Kakaiba – bagong buhay sa dating ugali. Mapalad ka at nakakilala ka ng kasintahan na siyang nagsilbing inspirasyon mo sa pagbabagong buhay.
Hangad ko ang tagumpay mo sa pinasok mong larangan at sana, balang araw ay tanghalin ka ring pandaigdig na kampeon tulad ni Pacman upang maging dangal ka ng ating bansa.
Dr. Love