Giyera vs pekeng product pinaigting

MANILA, Philippines — Inilunsad ng Bostik Philippines ang bagong packaging ng kanilang sikat na Super Vulcaseal Jr. upang protektahan ang mga mamimili at partner laban sa mga pekeng produkto.

Ang pagbabago sa packaging ay parte ng pangako ng Bostik na maghatid ng de-kalidad at maaasahang produkto habang pinangangalagaan ang kaligtasan ng kanilang mga customer.

“Aktibong lumalaban ang Bostik Philippines kontra paglaganap ng mga pekeng produkto. Ang bagong packaging ng Super Vulcaseal Jr. ay isang importanteng hakbang para masiguro na ang ating mga customer ay makatatanggap lang ng orihinal at de-kalidad na produkto na kanilang pinagkakatiwalaan,” ayon kay Fides Kasman, director ng Market Development ng kumpanya.

Kabilang sa mga pangunahing katangian ng bagong packaging ang bagong disenyo, proteksyon laban sa pekeng produkto, mas maliwanag na impormasyon.