MANILA, Philippines — Irerespeto ng Alyansa Para Sa Bagong Pilipinas ang desisyon ni Sen. Imee Marcos na huwag na munang sumama sa kampanya dahil sa isyu ng pag-aresto kay dating pangulong Rodrigo Duterte.
Ayon kay Alyansa campaign manager Rep. Toby Tiangco, hindi pa niya nakakausap si Sen. Marcos kaugnay ng hindi muna pagsama nito sa pangangampanya ng kanilang grupo. Pero kung ito aniya ang paninindigan ng senadora ay rerespetuhin nila.
Sinabi rin ni Tiangco na mainam na ring sinabi ito ng senadora para alam nila ang posisyon ng reelectionist senator.
Kinumpirma ni Marcos sa panayam sa Unang Balita na naapektuhan ang kanyang partisipasyon sa campaign sorties ng Alyansa sa pag-aresto sa dating pangulo.
Samantala, hindi na binanggit ni Pangulong Ferdinand Marcos Jr. Ang pangalan ng kapatid nang ikampanya niya ang mga kandidato ng Alyansa sa Cavite.