China nagprotesta sa barko ng PCG na nakadaong sa Sabina shoal

MANILA, Philippines — Nagprotesta ang China laban sa nakitang barko ng Philippine Coast Guard na nakadaong sa Sabina Shoal na bahagi ng Philippine exclusive economic zone (EEZ).

Iginiit ng Foreign Ministry ng China sa isang pahayag na ang PCG ay pumasok sa lagoon ng Xianbin Jiao o Sabina Shoal ng walang pahintulot sa kanila.

Ayon sa China, “PCG has been there for a long time” na seryoso umanong lumalabag sa soberenya ng China, at sa Declaration on the Conduct of Parties in the South China Sea (DOC) at banta rin sa kapayapaan at katatagan ng South China Sea.

“China has protested to the Philippines through diplomatic channels and asked the Philippines to stop infringement activities and withdraw the vessel at once,” ayon pa sa pahayag.

Ang Sabina Shoal ay nasa loob ng Philippine EEZ, na ayon sa United Nations Convention on the Law of the Sea (UNCLOS) “has the right to explore and exploit, and the responsibility to conserve and manage, both living and non-living resources.”

Ayon pa sa China, mahigpit nilang binabantayan ang developments sa karagatan upang mapangalagaan ang inaakalang soberanya ng teritoryo at mga karapatan at interes sa pandagat at itaguyod ang ‘sanctity’ ng DOC.