Hospital clerk, 138 taon kulong sa pekeng claim sa PhilHealth
MANILA, Philippines — Hinatulan ng 138 taong pagkakakulong ang isang hospital clerk sa 46 counts ng kaso kaugnay sa pekeng hemodialysis claim sa Philippine Health Insurance (PhilHealth) noong 2019.
Sa 20-pahinang desisyon ni Pasig Metropolitan Trial Court, Branch 153 Presiding Judge Jesusa Lapuz-Gaudino, “guilty beyond reasonable doubt” si Svend Agodilos Rances sa kasong Falsification of Official Documents at pinagbabayad ng P50,000 sa bawat bilang o higit P2-milyon na may “subsidiary imprisonment in case of insolvency”.
Nalinis naman ang pangalan ng mga doktor at staff ng TriCity Medical Centers sa pangunguna ni Dr. Gjay Ordinal, president ng TriHDCare, Inc.t iba pang owners ng TriHDCare Inc, kabilang na sina Dr. Jocelyn Cobankiat, Dr. Froilan de Leon at Dr. Lourdes Reyes-Padilla.
Una nang inabsuwelto ng Department of Justice (DOJ) si Dr. Ordinal sa kasong falsification at estafa na isinampa ng NBI.
Sa resolusyon, lahat ng elemento ng kasong estafa ay wala sa mga respondents na doctor na napatunayan na hindi sila kasama sa nagpasilpika ng claim documents na isinumite sa PhilHealth.
Natukoy ito sa mga pinekeng form sa forensic analysis ng PNP-Questioned Documents Examination Division.
Sa testimonya ni Ordinal sinabi nito na si Rances, isang PhilHealth clerk sa hemodialysis ng Tricity Medical Center, ay pinalsipika ang Claim Signature Form (CSF), PhilHealth Benefit Eligibility Form (PBEF), at ang Statement of Account (SOA) at siyang nagpasok ng false claims sa PhilHealth, para sa umano’y treatment ng 12 dating pasyente ng hemodialysis unit ng TriCity Med.
Sinuportahan pa ang claim ni Dr. Ordinal ng incident report na isinumite ni Rances kung saan inulit niya ang kanyang ginawang pag-amin sa pag-file ng pekeng claims sa PhilHealth.
- Latest
