‘One meal subsistence allowance’ ng mga sundalo, dinonate sa Carina victims
MANILA, Philippines — Bilang pagpapakita ng malasakit sa kapwa, nagdonasyon ang mga sundalo ng ‘One meal subsistence allowance’ na nagkakahalaga ng tig- P50,000 bawat miyembro ng Armed Forces of the Philippines (AFP) para sa mga naging biktima ng super bagyong Carina at habagat.
Ayon kay Col. Xerxes Trinidad, Chief ng AFP Public Affairs Office, ang pagdo-donate ng mga miyembro ng kasundaluhan ay base sa inisyatibo ni AFP Chief of Staff Gen. Romeo Brawner Jr.
Sa kasalukuyan ay nakadeploy pa rin ang tropa ng mga sundalo sa search, rescue at retrieval operations sa Metro Manila, southern at Northern Luzon para tumulong sa humanitarian assistance at disaster relief operation sa mga pamilyang naapektuhan ng matinding mga pagbaha.
Sa kasagsagan ng pananalasa ng bagyong Carina at habagat ay agad na minobilisa ng Philippine Army, Philippine Navy at maging ng Philippine Air Force ang kanilang rescue teams bitbit ang mga equipments ay sumabak sa rescue operations sa mga lugar na hanggang lagpas tao ang pagbaha.
“This collective effort and selfless sacrifices reflect the AFP’s commitment to aiding those affected by this disaster, demonstrating solidarity and compassion during these challenging times,” pahayag naman ni Brawner.
- Latest
