MANILA, Philippines — Pinakikilos ni Pangulong Ferdinand Marcos Jr. ang iba’t ibang ahensiya ng gobyerno para tulungan ang mga naapektuhan ng bagyo at habagat sa buong bansa.
Kasabay nito, sinabi ng Pangulo na naglaan ang pamahalaan ng P2.88 bilyon halaga ng ayuda para sa mga naapektuhan ng Bagyong Carina at Habagat. Mayroong 4,500 personnel ang standby para sa search and retrieval operations.
Inatasan din ng Pangulon ang mga kaukulang ahensiya ng gobyerno na magbigay muna ng babala sa mga residente bago magpakawala ng tubig sa mga dams para maiwasan ang mga aksidente at pagkawala ng buhay.
Ipinag-utos na rin niya na unahing tulungan ang mga isolated areas.
Ayon sa DSWD, nasa 45,328 pamilya sa 225 barangays sa Regions 1, 2, 3, Calabarzon, Mimaropa, 5, 6, 7, NCR at CAR ang apektado ng bagyo.