MANILA, Philippines — Umatras na sa darating na presidential elections si US President Joe Biden.
Sa pahayag ni Biden, sinabi nito na mas makabubuti sa Amerika at maging sa kanyang partido na Democrat na hindi na tumuloy sa kanyang re-election bid.
Kasabay nito, inindorso naman ni Biden si Vice President Kamala Harris bilang kapalit niya sa eleksyon.
Sa post ni Biden sa X, sinabi nito na mananatili ang kanyang tungkulin bilang Presidente at commander-in-chief hanggang sa katapusan ng kanyang termino sa Enero 2025.
Samantala, tinawag naman ni Pangulong Ferdinand “Bongbong” Marcos Jr. si Biden bilang isang tunay na statesman dahil sa pag-atras nito sa kandidatura.
“President Biden’s decision to withdraw from his candidacy is a demonstration of genuine statesmanship,” pahayag ni Pangulong Marcos.
Nagpasalamat naman si Marcos sa suporta ni Biden sa Pilipinas.
“We thank him for his constant and unwavering support for the Philippines in a delicate and difficult time. We wish him well for the rest of his presidency and for all his future endeavors,” ayon pa kay Pangulong Marcos.