MANILA, Philippines — Nilinaw ng Philippine National Police (PNP) na wala silang sama ng loob sa pag-veto ni Pangulong Ferdinand Marcos, Jr. sa panukalang reorganisa-
syon sa PNP.
Sa katunayan ayon kay PNP spokesperson PCol. Jean Fajardo, suportado nila ang Pangulo at nauunawaan nila ang pangamba nito sa pagbibigay ng compensation sa mga pulis.
“The Philippine National Police supports the decision of President Ferdinand Marcos Jr. to veto the proposed PNP reform bill,” ani Fajardo.
Ayon kay Fajardo, nais lamang ng Pangulo na mapanatili ang pantay na compensation at maiwasan ang anumang alitan.
Sa pag-veto sa panukala, sinabi ni Pangulong Marcos ang posibleng pagkaantala sa pagbabayad sa mga pulis dahil sa probisyon na magpapataas sa sahod ng mga kadete ng Philippine National Police Academy na lalampas pa sa sinasahod ng police lieutenant.
Laban din sa rightsizing program ng pamahalaan ang panukalang batas dahil mayroong iba’t ibang opisina ang gagawa ng magkakaparehong tungkulin.
Ani Fajardo, makikipagtulungan sila sa Kongreso para sa mga proposal sa hinaharap upang hindi ito magkaroon ng hindi magandang epekto sa mga umiiral na polisiya.
“We assure the public and the administration that the PNP will carefully consider the President’s observations,” dagdag pa ni Fajardo.