MANILA, Philippines — Walang pakialam ang China sa Reciprocal Access Agreement (RAA) na nilagdaan sa pagitan ng Pilipinas at Japan dahil panloob na usapin ito sa pagitan ng dalawang magkaibigang bansa.
“The RAA is a bilateral agreement between Japan and the Philippines so it is a matter internal to Japan and the Philippines. It is actually none of China’s business,” pahayag ni Defense Secretary Gilberto Teodoro Jr. sa pambabatikos ng China sa Philippines/Japan RAA.
Ang RAA na nilagdaan nina Teodoro at Japanese Foreign Minister Yoko Kamikawa nitong Lunes ay nagpapahintulot sa Japanese troops na magtungo sa Pilipinas at gamitin ang kanilang mga armas.
Sinabi ni Chinese Foreign Ministry Spokesperson Lun Jian na ang Japan ay may seryosong responsibilidad sa kasaysayan sa agresyon at colonial rule na pananagutan nito sa Pilipinas at iba pang bansa sa Southeast Asia noong World War II.
Inihayag pa ni Teodoro na ang komento ng China ay isang paraan ng pakikialam sa panloob na usapin sa pagitan ng Pilipinas at Japan.
“If I state a comment regarding something that, for example their economic, coercive diplomacy or whatnot, they [China] will say that I’m interfering in their internal affairs. Same thing here,” ayon pa sa Defense Chief.