MANILA, Philippines — Niyanig ng 7.1 magnitude na lindol ang mga lugar sa Mindanao alas-10:13 ng umaga, kahapon.
Ayon sa Philippine Institute of Volcanology and Seismology (Phivolcs), ang sentro ng pagyanig ay naitala 133 kilometro ng timog kanluran ng Palimbang, Sultan Kudarat at may lalim na 772 km.
Bunsod nito, naramdaman ang lakas ng lindol sa Intensity IV sa Jose Abad Santos, Davao Occidental; Intensity III sa City of Mati, Davao Oriental; Glan, Sarangani.
Intensity II sa Maragusan, Davao de Oro; City of Tagum, Davao del Norte; Libungan at Tulunan, Cotabato; Kiamba, Maitum, at Malapatan, Saranggani; City of Koronadal, South Cotabato; City of General Santos.
Intensity I sa Davao City; Tantangan, South Cotabato; Lebak, Sultan Kudarat.
Ayon sa Phivolcs, asahan na ang aftershocks kaugnay nang naganap na lindol.