MANILA, Philippines — Sesentro sa ekonomiya, illegal na droga, kriminalidad, at buhay ng mga Filipino ang laman ng ikatlong State of the Nation Address (SONA) ni Pangulong Ferdinand Marcos Jr. sa Hulyo 22.
Sa ambush interview sa Montalban, Rizal, sinabi ng Pangulo na ilalahad niya kung ano ang ginagawa ng pamahalaan para matugunan ang mga problema sa bansa.
Sa kabila nito, problemado naman aniya ang Presidente kung paano pagkakasyahin sa isang oras na salita ang ulat sa bayan
Dahil dito, sinabi ni Pangulong Marcos na gagawa na lamang ng briefer ang Malakanyang para maidetalye ito sa taong bayan.
Ipamamahagi aniya ang briefer sa media, at lahat na ng partner ng pamahalaan sa public at private sector.
Ipakikita rin ni Pangulong Marcos sa publiko kung alin sa mga ipinangako niya ang natupad na.