MANILA, Philippines — Nakatakdang magpatupad ang Department of Agriculture (DA) ng “Rice-for-All”, isang programa na mag-aalok ng abot-kayang bigas sa lahat ng Pilipino.
Sinabi ni Agriculture Assistant Secretary Genevieve Guevarra na sa mga darating na linggo, ibebenta sa “Rice-for-All” program ang bigas na nagkakahalaga ng P45 hanggang P48.
“On the works na rin po iyong ating ‘Rice-for-All’ naman, kung saan mayroon po tayong papalabas din na bigas po na mas mura kaysa doon sa prevailing nating market prices,” ayon kay Guevarra.
Binigyang diin ni Guevarra na ang sinuman ay puwedeng bumili ng abot kayang bigas na walang limitasyon at hindi lamang ito para sa mga vulnerable sector.
“Although let’s say that if there are 25 sacks, they can purchase one sack,” wika niya.
Una rito, pinulong ng Kamara sa pangunguna ni Speaker Ferdinand Martin Romualdez ang mga rice traders upang maibaba ang presyo ng bigas sa Hulyo
kung saan nitong nakalipas na Biyernes ay sinimulan na rin ang P29 Rice Program ng gobyerno sa mga Kadiwa store sa Metro Manila at Bulacan.