MANILA, Philippines — Kinumpirma ni Department of Migrant Workers (DMW) Secretary Hans Leo Cacdac na patuloy pang isasagawa ang paghahanap sa nawawalang seafarer at naniniwalang buhay pa ito, matapos ipaalam ng Philippine Embassy sa Athens.
Sinabi ni Cacdac na ang commitment ay ipinadala sa Philippine Embassy sa Athens sa ilalim ni Ambassador Giovanni Palec matapos makipagpulong sa shipping principal ng MV Tutor.
“The Philippine Embassy in Athens under Ambassador Giovanni Palec met with thew MV Tutor’s shipping principal, who informed Ambassador Palec, that search operations for our missing seafarer shall be undertaken as soon as the ship is taken to a safe port. Meanwhile we remain hopeful and are in touch with the family of the seafarer,” ayon sa official statement ng DMW.
Ang nasabing barko ay nananatili pa rin sa Red Sea, kung saan pinaniniwalaang na-trap doon ang nawawalang seafarer.
Sinabi pa ni Cacdac na naiintindihan nila ang sitwasyon na may matinding banta sa lokasyon ng barko kung kayat hindi pa naisasagawa ang search operation.
Patuloy naman ang pakikipag-ugnayan ng DMW sa pamilya ng missing seafarer.
“We remain hopeful and are in touch with the family of the missing seafarer,” ani Cacdac.