Bigas na mas mababa sa P30/kilo posible sa Hulyo - Romualdez

MANILA, Philippines — Inanunsiyo nitong Lunes ni Speaker Ferdinand Martin G. Romualdez na ang House of Representatives at Department of Agriculture ay seryoso at patuloy na tinatrabaho para gawing mas mababa sa P30 kada kilo ng bigas sa ilang bahagi ng bansa simula ngayong Hulyo.

“We are confident that it is possible to offer rice below P30 per kilo as early as July this year. The Department of Agriculture is currently identifying the areas where affordable, well-milled rice will be made available to the public,” ayon kay Speaker Romualdez.

“Although we cannot yet achieve this throughout the entire country, we can start in selected areas identified by the Department of Agriculture. We hope that this initiative will soon reach all parts of the country, especially after the amendment of the Rice Tariffication Law,” dagdag pa ng pinuno ng Kongreso.

Inanunsyo ito ni Speaker Romualdez matapos ang halos isang oras na pakikipagpulong sa kanyang tanggapan kay DA Secretary Francisco Tiu Laurel, mga opisyal ng National Irrigation Administration (NIA), at iba pang ahensya na konektado sa DA.

Naganap ang pulong matapos dumalo ang mga naturang opisyal sa congressional hearing para sa planong amyendahan ang Rice Rice Tariffication Law.

Sinabi ni Romualdez na ang presyo ng bigas na mas mababa sa P30 per kilo ay napagkasunduan sa naturang pulong matapos makitaan ng butas ang implementasyon ng Rice Tarrification law.

Sa kanyang panig, Sinabi ni Sec. Tiu Laurel  na bagama’t may mga pagbabawal sa naturang batas na magbenta ng murang bigas ang NFA sa publiko, maari naman itong padaanin sa pamamagitan ng mga KADIWA centers sa bansa.

Iginiit naman ni Romualdez na hihikayatin ng liderato ng Kongreso ang mga city at municipal mayors sa bansa na mag-identify ng pwedeng pagtayuan ng mga KADIWA centers sa kanilang lugar para maisakatuparan ang plano na gawing nationwide ang murang bigas.