MANILA, Philippines — Wala pang natatanggap na extradition request ang Philippine Embassy sa Estados Unidos para kay Kingdom of Jesus Christ leader (KOJC) Apollo Quiboloy.
Ayon kay Philippine Ambassador to the US Jose Manuel Romualdez, na posibleng magkaroon ng kahilingan para sa extradition ni Quiboloy dahil sa wanted siya ng US Federal Bureau of Investigation (FBI) dahil sa kasong sex trafficking, subalit sa ngayon ay wala pa silang natatanggap.
Nilinaw naman ni Romualdez na bagama’t ang extradition requests ay karaniwang dumaraan sa Philippine embassy, maaari rin naman itong mapunta sa US embassy sa Pilipinas kung saan sila may representative na siya namang direktang makikipag-ugnayan sa Department of Justice (DOJ).
Si Quiboloy ay hinatulan ng federal grand jury sa US District Court for the Central District of California dahil sa conspiracy to engage in sex trafficking by force, fraud at coercion; sex trafficking of children; sex trafficking by force, fraud at coercion at iba pa.
Nilinaw naman ni Romualdez na kung ang kaso laban kay Quiboloy ay inihain sa Pilipinas ang extradition request ay nakasalalay sa gobyerno ng bansa.