MANILA, Philippines — Pinayuhan ni Pangulong Ferdinand Marcos Jr. ang mga Pilipinong alagaan ang kanilang kalusugan ilang araw bago ang Araw ng mga Puso — bagay na magandang paraan daw ng "self-love."
Ito ang ibinahagi ni Pangulong Ferdinand "Bongbong" Marcos Jr. sa isang Instagram video ngayong Biyernes, kung saan makikitang nagwo-work out sa gym ang presidente.
Related Stories
"Ang Bagong Pilipino ay mas maalaga sa kanyang kalusugan. Kaya't ngayong Buwan ng mga puso, ipagdiwang natin ang pagmamahal sa ating mga sarili," wika ni Bongbong sa isang pre-Valentine's message.
"Alagaan natin ang ating mga puso, dahil wala nang ibang mag-aalaga riyan kundi ikaw lang. Lalo na kung single ka."