Grave threat vs Duterte, ibinasura ng Quezon City court

MANILA, Philippines — Ibinasura ng Quezon City Prosecutor’s Office ang reklamong Grave Threat na isinampa ni ACT ­Partylist Rep. France Castro laban kay ­dating ­Pangulong ­Rodrigo Duterte.

Ito ang kinumpirma ni Atty. Harry Roque, isa sa mga abogado ni Duterte. Ang kaso ay nag-ugat sa umano’y pagbabanta ni Duterte kay Castro sa isang programa sa ­telebisyon.

Binigyang diin ni Atty. Roque na batay sa natanggap nilang kopya ng desisyon ng korte, pinawalang sala si Duterte sa naturang kaso dahil hindi sapat ang mga naipakitang ebidensya na nagdidiin sa kaso kay Duterte.

Sa naunang counter affidavit ni Duterte, sinabi nito na ikinukwento lamang niya ang kanilang napag-usapan ng anak nitong si Vice President Sara Duterte at wala siyang intensyon na pagbantaan si Castro.

Niliwanag naman ni Rep. Castro na wala pa siyang natatanggap na desisyon ng pagbasura ng QC court sa naisampa niyang kaso laban kay Duterte.