MANILA, Philippines — Aabot sa 3,812 mula sa 10,387 examinees ang nakapasa sa 2023 Bar exams.
Ayon kay Bar Chairperson Justice Ramon Hernando, ito ay nangangahulugan ng 36.77 percent ang mga nakapasa.
Mas mababa ito sa 3,992 passers noong nakaraang taon.
Top 1 sa Bar exam si Ephraim Porciuncula Bie ng University of Santo Tomas (UST) na nakakuha ng 89.2625%.
Ayon sa SC, nasa 10,791 ang aplikante sa pagsusulit. Gayunman, 10,387 lamang sa kanila ang nakakumpleto nito.
Inaasahan namang isasagawa ng SC ang Bar oath-taking at roll-signing ng mga bagong abogado sa Disyembre 22.