MANILA, Philippines — Wala pang pinal na desisyon ang pamahalaang Marcos sa planong pag-angkat ng asukal sa labas ng ating bansa.
Ayon kay deputy spokesman Rex Estoperez ng Department of Agriculture (DA), bagamat may direktiba kamakailan si Pangulong Ferdinand Marcos Jr. na bilisan ang pag-import ng asukal, sa ngayon naman anya ay binubusisi pa ng ahensiya ang minimum access volume (MAV) ng asukal bago maisagawa ang sugar imports.
Hindi pa rin anya tinatakalay ng MAV Advisory Council ang tungkol sa mabilis na pagpapasok ng imported refined sugar sa bansa.
“We are saying that we might import 64,050 metric tons of sugar. We are in discussions with the Sugar Regulatory Asministration and the MAV Secretariat. The MAV council is yet to convene. We are still waiting for the position of our stakeholders,” paliwanag ni Estoperez.
Ang MAV ay ang dami ng asukal na dapat angkatin sa labas ng bansa na may mababang taripa.