Lacson nagpositibo sa COVID-19 bago 2022 official campaign period
MANILA, Philippines — Isang presidential aspirant ang nagpositibo sa nakamamatay na COVID-19 isang buwan bago magsimula ang opisyal na campaign period para sa 2022 national elections.
Sa kanyang Twitter account, ibinahagi ni Sen. Panfilo Lacson na tinamaan na rin siya ng COVID-19 — ito habang dahan-dahang dumarami ang mas nakahahawang Omicron variant sa Pilipinas.
"Immediately informed all my Jan 3 physical contacts of my Jan 4 Covid-positive test result which was released only last night, Jan 6 so they can take extra precautions to protect their loved ones and others," wika ng preisdential aspirant, Biyernes.
"Thank God no one is exhibiting symptoms. Wearing our masks helped much."
Immediately informed all my Jan 3 physical contacts of my Jan 4 Covid-positive test result which was released only last night, Jan 6 so they can take extra precautions to protect their loved ones and others. Thank God no one is exhibiting symptoms. Wearing our masks helped much.
— PING LACSON (@iampinglacson) January 7, 2022
Huwebes lang nang kumuha ng isa pang swab test si Lacson dahil sa "incompetence" ng mga kinauukulan at tagal ng resulta ng nauna niyang pagpapasuri, lalo na't may comorbidity ang kanyang asawa na mas delikado sa COVID-19.
Ikinainis ni Lacson ang tagal ng kanyang mga naunang COVID-19 tests lalo na't isang araw lang ay nakuha na ito agad ng kanyang anak, na nagpa-test din noong Miyerkules ng hapon.
It has been 40 hours. Sa tagal ng RT-PCR result ko, nainip na ang mga symptoms. Iniwan na ako nina Lagnat, Sore throat, Sipon at Ubo. Ano ang gagawin ko, Doc? Naiinip na rin ako. Pwede na ba rin ako umalis?
— PING LACSON (@iampinglacson) January 6, 2022
Una nang sinabi ng senador na nag-isolate siya matapos ma-expose sa anak na nagpositibo sa COVID-19. Kaugnay nito, nakaramdam siya ng lagnat, sakit ng lalamunan, sipon at ubo.
"I also have all three Moderna shots, so I’m hoping for the best. While definitely unintended, daily infection reports must be much less that what they actually are on the ground," banggit niya sa hiwalay na paskil pagdating sa kanyang vaccination status.
Bukod pa rito, nagpositibo rin sa COVID-19 ang isa niyang colleage sa Senado na si Sen. Sherwin Gatchalian.
"This is to inform the public that I tested positive for COVID-19 today. Following strict health protocols, I went on self-quarantine away from family, friends and the public," wika ng senatorial reelectionist kanina.
"So far, I am only experiencing mild symptoms from the virus and this goes to show that the vaccines are effective and working against it. I enjoin everyone to get your booster shots right away."
effective and working against it. I enjoin everyone to get your booster shots right away.
— Sherwin Gatchalian (@stgatchalian) January 6, 2022
Thank you very much for all the well wishes and support. I will be back to work in no time as we wind down the 18th Congress.
Nangyayari ang lahat ng ito halos isang buwan bago ang pagsisimula ng opisyal na campaign period para sa 2022 elections sa ika-8 ng Pebrero, 2022.
Aabot na sa 2.88 milyon ang naghahawaan ng COVID-19 sa Pilipinas, ayon sa huling ulat ng Department of Health kahapon, ang pinakamataas simula ika-27 ng Setyembre. Sa bilang na ito, patay na ang 56,561.
- Latest
