Higit 100 katao pinangangambahang nasawi sa US tornado

MANILA, Philippines — Tinatayang mahigit sa 100 katao ang pinangangamba­hang nasawi matapos manalasa ang isang malakas na tornado o buhawi sa Estados Unidos.

Base sa ulat, sa Kentucky lamang ay posibleng umabot sa 80 ang patay at inaasahang lalampas pa sa 100 ang nasawi.

Bukod sa Kentucky, iniulat din na may 18 states ang napinsala sa itinuturing ng Amerika na pinakamalakas na tornado sa kasaysayan ng kanilang bansa.

Habang sinusulat ang balitang ito ay wala pang opisyal na bilang ang gobyerno ng Kentucky kung ilang ang nasawi sa pananalasa.

Wala rin Filipino ang iniulat na nadamay sa nasabing trahedya.