MANILA, Philippines — Suportado ni Senator Christopher Lawrence “Bong” Go ang pag-amyenda sa Republic Act No. 8972 o Solo Parents’ Welfare Act of 2000.
Ang Senate Bill No. 1411 sa ilalim ng Committee Report No. 69 ay layong amyendahan ang RA 8972 na magbibigay ng mas maganda at maayos na benepisyo para sa 14 solo parents at kanilang mga anak.
Kung maipapasa, kabilang sa tatamasain ng solo parents ay karagdagang financial assistance at discounts sa basic necessities o commodities na ikaklasipika ng Department of Trade and Industry at Department of Health.
“Hinihikayat ko ang aking mga kasamahan dito sa Senado na ipasa ito sa lalong madaling panahon. Pakitaan natin ng tunay na malasakit ang ating mga kababayan na patuloy nilang itinataguyod mag-isa ang kanilang mga pamilya,” pahabol ni Go.