MANILA, Philippines — Ikinatuwa ng Malacañang ang mataas na net satisfaction rating na nakuha ng mga miyembro ng gabinete ni Pangulong Duterte.
Sinabi ni Presidential Spokesman Salvador Panelo, nagagalak sila lalo’t ito ang kauna-unahang nakakuha ng very good rating ang mga Cabinet members ng Pangulo.
Batay sa resulta ng SWS survey, ang “good” na +44 noong Marso ay sumipa papuntang “very good” nitong Hunyo sa +51.
Ayon kay Panelo, patunay ang naturang survey sa sentimyento ng mga Pilipinong naniniwala na kumikilos ang kasalukuyang gobyerno para sa kapakanan ng taongbayan.
Umaasa ang Palasyo na mas pag-iibayuhin pa ng mga gabinete ang trabaho para magkaroon ng pagbabago sa bansa batay na rin sa hangarin ni Pangulong Duterte.