MANILA, Philippines — Suportado ni Bro. Mike Velarde, lider ng pinakamalaking El Shaddai charismatic movement sa bansa, ang re-election bid ni Sen. Cynthia Villar, na ipinagmamalaki rin ni Pangulong Duterte bilang pinakamasipag na senador.
Sa pagsuporta kay Villar at iba pang senador, naniniwala si Velarde na malaki ang maitutulong ng mga ito sa ating mga kababayan sa pagbibigay ng hanapbuhay upang mabawasan ang kahirapan at pagsugpo sa iligal na droga.
Ang kandidatura ni Villar ay sinusuportahan din ng Hugpong ng Pagbabago, ang regional party na itinatag ni presidential daughter Davao City Mayor Sara Duterte upang tulungan ang mga kandidatong maging kaagapay ng Pangulo sa mga nais niyang pagbabago.
Si Villar ang pangunahing napiling senatoriable ng mga botante base sa pinakahuling Pulse Asia survey.