MANILA, Philippines – Sinunod ng mga opisyal ng Department of Justice (DOJ) ang panawagan ng bagong kalihim Menardo Guevarra na “courtesy resignation” upang maayos ang kontrobersyala na kagawaran.
Sinabi ni Guevarra na kaagad naman tumugon ang matataas na opisyal ng DOJ matapos niyang ilabas ang memorandum nitong Abril 24.
READ: SOJ Guevarra orders DOJ undersecretaries, asst. secretaries (mostly frat brods of PRRD) to tender courtesy resignation | @edupunay pic.twitter.com/9UwYCNJ9Lt
— The Philippine Star (@PhilippineStar) April 30, 2018
Apat sa limang Justice undersecretaries na naitalaga sa ilalim ni dating Justice Secretary Vitaliano Aguirre ay pawang miyembro ng Lex Talionis Fraternity na kinabibilangan din nina Aguirre at Pangulong Rodrigo Duterte.
Ito ay sina:
- Antonio Kho Jr.
- Erickson Balmes
- Raymund Mecate
- Reynante Orceo
Anak naman ng isang Lex Talionis member si Deo Marco.
Hangga’t hindi pa tinatanggap ni Duterte ang kanilang pagbibitiw ay sinabi ni Guevarra na ipagpapatuloy lamang nila ang kanilang mga trabaho.
Hinihintay pa naman ni Guevarra ang pagbibitiw ng mga sumusunod:
- Adonis Sulit
- Juvy Manwong
- George Ortha II
- Moslemen Macarambon Sr.
- Cheryl Daytec-Yañgot
- Sergio Yap II
- Margaret Padilla
Pinalitan ni Guevarra si Aguirre kasunod ng mga kinasangkutang kontrobersya kabilang ang pagkakabasura ng kaso laban sa mga pinaniniwalaang malalaking drug lord ng bansa.