NFA at DA pupulungin

MANILA, Philippines — Muling pupulungin ni Pangulong Rodrigo Duterte ang National Food Authority (NFA), NFA Council, Department of Agriculture (DA), mga rice traders kasama ang mga magsasaka.

Sinabi ni Presidential Spokesman Harry Roque na sa linggong ito ay muling uupo si Pangulong Duterte sa NFA Council meeting sa Malacañang.

Magugunita na noong nakaraang linggo ay inutusan nito si NFA Administrator Jayson Aquino na mag-angkat na ng bigas matapos maubos ang stock ng NFA at balewalain nito ang NFA Council.

Samantala, isang insider sa Malacañang ang nagsabi na may ‘sama ng loob’ daw si Secretary to the Cabinet Leoncio Evasco Jr. kay Pangulong Duterte dahil mas pinanigan nito si NFA Admin. Aquino kaysa sa NFA council.