MANILA, Philippines – Solong napanalunan ng isang jeepney driver ang mahigit P13 milyon jackpot sa 6/42 lotto draw.
Ayon kay PCSO acting chairman at general manager Jose Ferdinand Rojas II, kinubra na kamakalawa ng 57-anyos na jeepney driver mula sa San Jose del Monte, Bulacan ang kabuuang P13,528,000.
Tinamaan ng masuwerteng driver ang winning combination na 10-12-15-16-21-26 noong March 6 na pinagsama-samang petsa ng kapanganakan ng kanyang pamilya.
Plano ng driver na mayroong isang anak na magdonasyon sa kanilang simbahan, bumili ng jeepney units at balatuhan ang kanyang mahihirap na kaanak.