MANILA, Philippines - Nagpaabot ng pakikiramay si Pangulong Aquino sa pagpanaw ni Saudi King Abdullah bin Abdulaziz.
“The death of King Abdullah marks the passing of an important figure in international and regional affairs,” pahayag ni Deputy Presidential Spokesperson Abigail Valte.
Kinilala rin ni Pangulong Aquino ang tulong na naiambag ng yumaong hari sa mga OFW na nasa Saudi Arabia partikular ang pagtulong kay Rodelio Lanuza at pagbibigay ng oportunidad sa mga Pinoy na ayusin ang kanilang status bukod pa sa clemency na pinayagan nito.
“The Philippines recognizes the “receptiveness” of King Abdullah to welfare of Filipino migrants,” sabi ni Valte.
Pumanaw kahapon ng madaling araw (Philippine time) si King Abdullah dahil sa sakit nito sa edad na 90 at ang papalit sa trono nito ay ang crown-prince na si Salman bin Abdulaziz al-Saud habang ang bagong crown-prince ay si Muqrin bin Abdulaziz na pawang nakakabatang kapatid ng yumaong hari ng Saudi.