Nakawan sa MM bumaba

MANILA, Philippines - Bumaba ng 12% ang nakawan sa National Capital Region (NCR) bunga ng pinalakas na police visibility sa pagtutok laban sa mga elementong kriminal.

Sa pinakahuling tala ng NCRPO, halos 12 porsiyento ang ibinaba ng nakawan (robbery at theft) sa Metro Manila nitong nakaraang linggo, mula sa 548 na kaso noong Oktubre 20-26 ay napababa ito sa 484 noong Oktubre 27-Nobyembre 2. 

Sa kabila ng pangkalahatang pagbaba ng robbery at theft sa NCR, bahagyang tumaas naman ang bilang ng nasabing krimen sa lungsod ng Pasig. Mula sa 12 kaso noong nakaraang linggo, umabot ito sa 22, ayon sa pinakahuling rekord ng NCRPO.?

Bilang tugon, inirekomenda ng DILG na repasuhin ang mga operasyon ng Pasig City Police Station.?