MANILA, Philippines – Sa muling pagdinig ng Senado sa imbestigasyon ng umano'y overpriced na Makati City Hall II parking building, hindi dumalo ngayong Huwebes ang mag-amang Binay.
Ito na ang ikatlong pagkakataon na hindi sumipot si Bise-Presidente Jejomar Binay, habang hindi rin nagtungo ang anak na si Makati Mayor Erwin “Junjun” Binay.
Sinabi ng nakatatandang Binay na hindi siya dadalo sa pagdinig dahil aniya'y hindi ito nagiging patas at sinisiraan lamang ang kaniyang pamilya.
Kaugnay na balita: VP Binay nakinabang sa Makati parking building
Nitong Lunes ay sinabi ni Makati Rep. Abigail Binay na wala namang pormal na imbitasyon o subpoena ang Senado upang mapilitang dumalo ang kanyang ama.
Nahaharap sa kasong plunder sina Jejomar at Junjun dahil sa overpriced na gusali na umabot sa higit P2 bilyon ang ginasta.