2 Pinoy inaasahang Ebola-free na rin
MANILA, Philippines - Naniniwala ang Department of Health (DOH) na tuluyan nang maidedeklarang ligtas sa kinatatakutang Ebola virus ang dalawa pa sa 15 Pinoy na nagmula sa Siarra Leone, West Africa na tinamaan ng Ebola.
Gayunman, hihintayin pa hanggang sa Agosto 28, ang pagtatapos ng 21-araw na incubation period, para maideklara na ang dalawa na Ebola-free.
Nitong Biyernes nang ideklara na rin ng DOH na 5 sa 7 pang Pinoy migrants na minomonitor sa nasabing deadly virus ay clear na.
Ang kabuuang 15 Pinoy na tinutukan ng DOH ay una nang nagdeklarang 8 ang ligtas sa nasabing sakit.
“But I think the two will also be cleared eventually because [if they have been infected] they [will be showing] symptoms by this time,” ayon kay Health Undersecretary Teodoro Herbosa.
Disyembre 2013 nang magsimula ang biggest outbreak ng Ebola na pumalo na ngayon sa libong apektado at nasa 932 na ang naitalang nasawi. Nadiskubre ang sakit noong 1976.
Kabilang sa mga lugar na nadale nito ay ang Sierra Leone, Liberia at Guinea kung saan mayroong tinatayang 3,500 overseas Filipino workers.
Samantala, kahit banta rin sa Pilipinas ang Edola virus, tiniyak naman ng DOH na walang dapat ipangamba ang publiko dahil may sapat na kapasidad ang pamahalaan na i-contain ang sakit sakaling may maapektuhang Pinoy worker na iuwi sa bansa.
- Latest
