MANILA, Philippines - Posibleng lalong madiin ang ilang opisyal at prison guard ng New Bilibid Prison (NBP) matapos madiskubÂre sa loob ng compound nito ang nasa 30 unit ng golf carts at electric bikes na ginagamit umano ng mga ito.
Base sa isang mapapagkatiwalaang impormante sa NBP, makikitang nakaparada ang golf carts at e-bikes sa gilid ng stage malapit sa opisina ng Escorting Unit at ginagamit umano ito ng mga itinuring na high profile inmates.
Kasama na umano sa mariing sinisiyasat ng Department of Justice (DOJ) kung sino ang nagbigay ng permiso na maipasok ang golf carts at e-bikes sa compound ng NBP at gamitin ng mga preso.
Dapat aniyang maging rehabilitasyon ang NBP hindi lugar upang gawin ang kanilang mga gawain noong sila ay nasa laya pa.
Una nang naging kontrobersyal ang ilang high-profile inmates ng Bilibid dahil sa pagpapa-confine sa ospital nang walang permiso ni Justice Secretary Leila de Lima.