MANILA, Philippines - Binawi ng kampo ni Janet Lim-Napoles ang kanilang naunang pahayag kaugnay sa plano nitong pagsasauli ng P2 bilyong halaga ng kayamanan mula sa kinita sa pork barrel fund scam.
Ayon kay Atty. Stephen David, tiningnan nila ang listahan ni Napoles at natuklasang P200 million hanggang P300 million lamang ang maisasauli ng kaniyang kliyente.
Ito kasi aniya ay kukunin lamang sa mga sa mga ari-arian na hindi nakasama sa freeze order ng korte.
Paliwanag ng abogado, ang naturang halaga ay naipautang ni Napoles sa ilang politiko na hindi na nila pinangalanan.
Pinabulaanan din nito ang isyu na ginamit pa ni Napoles ang kanyang mga kaibigan upang pagÂlagakan ng kanyang mga perang nakuha sa pork scam.
Aniya, napautang na niya ang pera bago pa man pumutok ang pork barrel case.